កាលពីយប់ថ្ងៃទី១ ខែមេសា ឆ្នាំ២០២៥ មានការភ្ញាក់ផ្អើលជាខ្លាំង ទាំងប្រជាពលរដ្ឋ និងអ្នកញៀនល្បែងស៊ីសង ក្នុងការស៊ីណូ តន់ហន់ ស្ថិតក្នុងភូមិ ព្រែកក្រឹស ឃុំព្រែកក្រឹស ស្រុកកំពង់ត្រាច ខេត្តកំពត នៅវេលាម៉ោងប្រម៉ាណ៧ល្ងាចជាង កំពុងមានព្រិត្តការណ៏ចាប់រង្វាន់យកម៉ូតូ និងវត្ថុអនុស្សាវរីយ៏ជាច្រើនទៀត ជាការលួងចិត្តអ្នកលេងល្បែង និងលើកទឹកចិត្តមុនពេលរដូវបុណ្យចូលឆ្នាំខ្មែរប្រពៃណីជាតិ មកដល់នាពេលខាងមុខនេះ។
នៅពេលនោះដែរ ក៏មានការឆាបឆេះចេញពីបន្ទប់ដោយឆ្លងចរន្តអគ្គីសនី អ្នកញៀនល្បែងទាំងនោះ ភ្ញាក់ផ្អើលរត់ជាន់ជើងគ្នា ព្រលឹងស៊ីព្រលិត ខ្លះយួរកន្ត្រកមាន់ ខ្លះចាប់ដៃគ្នារត់ភ័យ ចេញមកក្រៅដោយការតក់ស្លត់ ដូចភ័យរញ្ជួយដីនៅប្រទេសថៃ ក្រោយពីហេតុការនេះកើតឡើងមិនបានប៉ុន្មានផង ក្រុមអ្នកស្មគ្រ័បានចូលទៅជួយពន្លត់ រលត់ជាស្ថាពរ មានការជួយអន្តរាគមន៏ ពីលោកនាយប៉ុស្តិ និងឡានទឹកពីអធិការដ្ឋាន ស្រុកកំពង់ត្រាចផងដែរ។
គួររំលឹកផងដែរថាៈ ការស៊ីណូ តន់ហន់ នៅតំបន់ ជាប់ច្រកទ្វារ ទ្វេភាគីព្រំដែន កម្ពុជា វៀតណាម បានបំពានទៅនិងច្បាប់របស់រដ្ឋ បន្តបើកល្បែងស៊ីសង កាស៊ីណូ ខុសទីតាំងអនុញ្ញាតិក្នុងខេត្ត ដោយយោងតាមការប្រកាស់របស់ សម្តេចបឋធិបតី ហ៊ុន ម៉ាណែត ចុះកាលថ្ងៃទី១១ ខែមិថុនា ឆ្នាំ២០២៤ ស្តីពីការហាមឃាត់សម្រាប់ប្រតិបត្តិការ មិនអោយមានកាស៊ីណូខេត្តចំនួន២ គឺខេត្តកែប និងកំពត លើកលែងតែ តំបន់ព្រែកចាក និងភ្នំបូកគោ តែការស៊ីណូមួយនេះ នៅតែបន្តបើកបានយ៉ាងរលូនមិនខ្លាចញញើតច្បាប់អ្វីទាំងអស់ ឬដូចពាក្យចាស់លោក ពោលថា អាសាច់ជូនខ្លា ទើបនៅស្រុកបាន ប្រហែលជាមានខ្នងបង្អែករឹងមាំហើយមើលទៅ បើយោងតាមប្រភពច្បាស់ការបានប្រាប់ថា ក្នុង១ខែៗចំណាយច្រើនម៉ឺនដុល្លា សំរាប់ការឈរជើង បើមិនអញ្ចឹង មិនអាចឈរជើងបានទេ ព្រោះជាកន្លែងមិនត្រូវបានអនុញ្ញាតិ។
កាស៊ីណូមួយនេះ ពេលមុនជាកម្មសិទ្ធរបស់លោក គីម ម៉េង តែពេលបច្ចុប្បន្ន មានការផ្ទេរលក់ ទៅអោយជនជាតិ កូរ៉េ ជាម្ចាស់កម្មសិទ្ធ ដើម្បីបន្តធ្វើអាជីវកម្ម មជ្ឈដ្ឋានទូទៅអង្កេតឃើញថា អ្នកចូលលេងភាគច្រើនជាជនជាតិខ្មែរ ក្រៅពីនោះ ជនជាតិវៀតណាម ចូលមកដោយខុសច្បាប់ បង់សេវ៉ាក្រៅផ្លូវការក្នុងម្នាក់១ម៉ឺនទៅ២ម៉ឺនរៀល ទើបអាចចូលមកបាន នេះបើយោងតាម ជនជាតិវៀតណាមដូចគ្នានិយាយប្រាប់ អង្គភាព សេរីភាពខ្ញុំសារព័ត៌មាន ពាក្យចាស់ពោលថាៈ(អ្នកឈ្នះមុខខ្លាញ់ រីឯ អ្នកចាញ់មុខសេះ អស់តំរេះអង្គុយទាយ) ហើយការអនុញាតិអោយខ្មែរចូលលេងល្បែង ជាអំពើខុសច្បាប់ គឺផ្គើនទៅនិងសាចរាណ៏ណែនាំរបស់ក្រសួង យើងដឹងហើយថាល្បែង ជាដើមចម នៃបទល្មើស អសន្តិសុខក្នុងមូលដ្ឋាន លួច ឆក់ ប្លន់ បង្ករហឹង្សាក្នុងគ្រួសារ កូនប្រពន្ធបែកបាក់ ដូចនេះ មេត្តាថ្នាក់ដឹកនាំ ពិនិត្យ និងមានវិធានការ៕ អត្ថបទដោយ ប៉ាការ ស ចិត្តស្មោះ
